آخر رسالة

آخر رساله

يا رافضة تعيشي ف الواقع وفاكره الحلم
يا رافعه للسما أيادي برغبة وزن
يا فاكره اني في بعادك بعاني و إن
رسالتي ليكي تهتمي بمن كانو ... مني أهم
كفاية تدوري وتلفي
كفاياكي هم
خلاص الحب بقى ماسخ
...و سيرتك جرم
أنا اللي و انتي عارفاني
بحب النور
وضلمة سيرتك الغبره تجيب الغم
دي اخر مرة بكتبلك ومش ليكي
ببرأ ذمتي عشان اللي بقيو أهم
زماااان الوهم خلاني اعد وعود
وعارفك هبلة كالعادة وماسكة العود
وفاكره اني ع الوعد اللي قلته زمان
وبيننا معاد لو احنا بعاد
وأي كلام
خلاص صومت التلت ايام!
ياذنب بريء انا منه ليوم الدين
يا هم اخترت انا اشيلة بذمة ودين
يا حشو اتضاف على القصة ومالوش معنى
يا أي كلام
بحكم الوقت والمدة بقولها سلام
لا في رساله ولا بالصوت هنا ع العام
سلام من غير ميلودراما ولا افلام
سلام صادق بحزم ولين
مانيش ناقص ذنوب تاني
ف أرجوكي ... سلام بسلام