روح

ها هنا أحيا بدنيا الناس                  

سمائي لا حدود لها

 ولا حراس 

بطير ف الكون بأحلامي

 بلا خطة

 ولا خريطة

 ولا قصاص 

بطير من غير ما يبقالي طريق ارجع 

وبرجع وقت ما اسمع 

ضجيج الناس علي الارض اللي شايلاني 

كاني بشوف من الابره 

وتتحول مهارتي في اكتشاف الكون من الابره 

الى خبره 

بكون خبره في اني اشوف الارض من زواية ... 

فبنسى اطير 

وبنسى اقاطع كل من ماشي بعين ابره 

وبنسي اني نسيت وببقى فاكر العشرة 

عشان الملح والعيشة اللي عايشينها 

بيبقالي ذكريات فيها وبدمنها 

بطير تاني .... 

واطير والقى أحلامي بتستناني اطلبها 

اخاطبها 

وأخاطب بيها كل الناس 

اخرجهم من سجون تداس 

لما يخلد 

لما يصعد 

للي ياخدهم لدنيا براح 

يسافروا زي مايحبوا 

يحبوا كمان ويتحبوا 

يطيروا في الفضا كالطير 

ويتصاحبوا ويتعاتبوا