طلعو براءة يا عم الحج

ياللي انت صوتك مسموع

دايما جهور بتبعبع
لا خوفت يوم من فقر وجوع
ولا خوفت من وهم البعبع
مليون قلم مليون اراجوز
و برضو صوتك بيسمّع
راح فين حماسك وقت الجد
تقلان علينا ومتدلع
مستني مين يتكلم غيرك
وعايشها عادي ... بتتمرقع
طلعو براءة يا عم الحج
والله شكلك بتبلبع
حتى الحقوق الأدبية
بقت أماني وضرب ودع
ولسا اللي جاي يا عم البيه
هيطالبو بتعويض
وهندفع
بالله عليك اتكلم قول
صهلل و جلجل ... ثور يا جدع
احنا اللي طول الماتش معاك
تخسر بنفضل نستناك
 ترجع بقوة وسرعة سبع
م الفرجة كل الناس بتقول
محدش هيسكت
أكيد محدش حيسكت
عودونا ان محدش بيسكت
ساكتين اهم
 خايفين م البعبع
ازاي انت تسكت
ازاي انت تقبل ...
طب قول كنا صح
طب هات المصادر تقول احصائياتنا كانت كذا
طب روح بالمصادر لحد البلاط
وقولو كلامهم سرق من بلادنا معنى الوطن
قولو كلامهم عشم ولادنا بعدل وحساب
ولما حسبنا لقينا هناخد من المليارات
هوية وعلم وورقة وقلم ووجبة كباب
قولو براءة دة عيبه ف حقك يا عم البلاط
طب زيع القضيه وزيع الجواب
هاتلي مترجم يترجم كلام المحامي المحفلط
وقولي معاني البراءة في رأيك
طب قولي انت لما بريء يتشتم !
كمان قد جدك !!!
 والله يا أخينا دي عيبة في حقك ...

له بقية ... ان عشنا
مش شاعر