مصير الحي يتلاقى
الحي مصيره يقابل مين !
أنا حي بطيفك والسبحة
وآديني مستني بقالي سنين
لو حتى أشوفلك رؤيا واضحة .
بيقولوا أكيد نتلاقى فـ يوم
والدنيا هترقص مـ الفرحة
بيقولوا قدر ومصير محتوم
والبعد دة فاصل أو فسحة ...
روحتلهم أسأل امتى وفين
قالولي روح إحلم اوعاك تصحى
واتاريكي مصير ... لناس تانيين
يشوفوكي كتير جاية ورايحة .
عادي جدا يعني كأنك طين
مش روح خطفتني ف أول صدفة
مش روح وعدتني تكون وتكون
وقالتلي الجنة لمن أوفى
وفيت وخفيت وداريت مـ العين
والجنة بدونك هتكون منفى
0 comments:
إرسال تعليق