لا مرحبا بعودتك

بعد البعد دة كله تجيني
فاكر خيري وكل كلامي
ناسي ازاي انك مرفوض
وان كلامي كان معدود
وان اهانتك كانت كافيه
انك تنسي أي وعود
ثور لكرامتك
عزز نفسك
ارضى بانك تبقى غريب
هوة تمامك
هوة مكانك
هوة مصير أمثالك دايما
رفض و صد و يمكن أكتر لولا العيب
بعد رجوعك لازم اقوللك
انك ضيف لا أهلا بيه
إبعد قد ما تقدر تاني
وافتح بابك لأي غريب
شعب كتير مستني فراغك
رحب بيهم و املى مكاني
وأسرع مني هتلقى حبيب.