لساها برضو بتتكتب عنوان

بس الجديد لما يجيلك جواب

لازم تروح البريد للاستلام

هتلاقي بوسطة بلدنا

مترممة ومتزوأه بألوان

المبنى شادد حيله

ومثبت العنوان

معزور اكيد الجواب

فين بيت فلان وفلان

مش دي الشوارع والبيوت

مع انهم نفس المكان

مش عيب ادارة وكسل

بس الجواب قرفان

ازاي بلد تنعدم

من غير عدو أو طوفان

كان في بلد

كان اسمها معصرة

نفس البيوت نفس الحيطان

نفس المصاطب بره بيتك والجيران

كان ليها صوت

صيف أو شتا سهران

كان ليها ريحة

ومش قصدي ع اللبسان

كان فيها روح

طب فين اروح عشان اشوفها زمان