الندا التاني

دا قلبك نجم حوالية دليشيار كوكب 

نداني نويت أفجرهم و أكون نجمك 

قطعت كتير من المدة ... نهيت أجرام 

ولما لقيتني بتنفس غبار حبك 

لقيتك لسا بتشاوري ف كواكبينك 

لا أنا عارف أحطمهم ولا أستنى تأذينك 

يا نجمة كون كما الشمس ف فضاء الناس 

بحبك حب قساني على العالم وأطيب ناس 

بحبك حب خلاني أشع غرام 

أدمر في اللي حواليكي ويهوني كما الشيطان 

عشان يفضى الطريق ليكي 

ولسا غرامي مش قادر يحاربك

عارفة لو بقيت خصمك 

هدمر كل ما فيكي 

وحتى اللي بيهوكي 

ومدارهم درب في دروبك 

هخليهم يسيبوا الطوف في أقطارك 

ويبقوا من أعاديكي 

ورغم انك خصم يخلي الماتش ليه معنى 

مفاجئاتك ثروهاتك ولما تعملي هجمة 

هسيبك تفرحي بالجون 

ولما ارتد هتكوني بتتمني أجيب الجون 

حبيبتي يليقك تبقي معشوقة 

ولو مرة نويت كرهك 

هحبك حب زي الحرب 

يدمر فرحتك بالجون 

يخليكي بتتمني تكوني ... مهزومة 

تلاقي نصر أحلامك في حضني وبس 

وحتى كواكبينك هتتبعتر أساميهم 

يتوهوا في سما واسعة

 وطرق الجذب معدومة 

هغطي لونك الجذاب 

وأهدّي نارك الثايرة 

ماهو انتي اللي بدأتي الحرب 

يا نار قادرة تفجر كل شيء ف الكون 

ولما بكون .. . بتبقي زي عصفورة 

عتابها صوته كالكروان 

أنينها لحن ماتقدر عليه ألحان 

وفرحتها رمز حرية

 لما تتنقل ما بين أغصان 

وحتى الهجرة في سماها خيال شعراء 

يحبوا الدنيا       و آخرتهم يقين محسوم 


حبيبتي لو نجوم الدنيا تكفيكي هفجرها 

نداكي كان عشان أبقى 

أنا زي كل خلق الله 

مسيري فيوم هتقفل كل أنواري 

ولما الحب دة يكمل 

هيسري النور في كون الله 

وهتخلد سنين وسنين 

سنينهم ايامها معدودة 

وسنين الحب حتى إن مات محبيها 

هيسري النور يخلدهم ليوم الدين 


حبيبتي هستنا الندا التاني 
وهعمل هدنة لزماني 
هوقف سيري في الدنيا وهبقى بيكي متمكن 
مكاني مكان ما هتكوني 
زماني سراب وعلشانك مش متزمن 
لحد نداكي من تاني