سوق العمل - روح الشباب

اللي ماشافگش من مدة ...
أكتر حد هيلاحظ التغيير في شكلك أو طبعك

دة بينطبق برضو على السوق - سوق العمل -
لما تبعد عن مهنة معينة أو شركة أو منطقه و ترجع تعيش في تفاصيلها هتعتقد انك انت اللي اتغيرت لكن الواقع ان الشوارع والبيوت زيها زي الناس
بتكبر و بتعجز
الشركات كمان ليها عمر
ليها فتره شباب وعنفوان وبتشيخ وبتعجز مهما تغير دمها أو تحقن نفسها من وقت للتاني بـروح الشباب

الفرق بينك وبين أي منظومة ان الكنترولر بتاع المنظومة ثابت ولو افتعل المرونة هيكون أبطأ منك
انت الأشجع
والأقدر على التحكم في كل أعضائك ...

حتى لو الواقع مابيشوفش غير شعرك الأبيض و عجزك عن الاستغناء عن الاسانسير و فنجان القهوة ... 
هتفضل قادر تغير العالم جوه عقلك وقدام عينيك