رحمن .... رحيم
سايبك تغلط و تتعبد بطريقتك
لو مرة نسيت أو حتى أغضبته سايبك رايح وجاي وماخلاش الارض تبلعك
لو دعيته يقبضك و ياخدك لرحمته .... برضه بيديك فرصتك كامله و بيصدق وعده
حتي لو دعيته بجهلك والحيت في الدعاء لشر
مش بيسهللك إلا الخير ليك
بيكلمك علي ألسنة عباده
مش بس قرءان
كل رساله أو نصيحة أو حتى جمله على ضهر تكتك
لو ليها علاقه بحالك هتتقابل انت و هيا في مكان وزمان محددين بحكمته عشان تقراها
لو تولاك بيسخرلك الدنيا و لو كنت من أولي العزم كان عرفك ان ده اعجاز
بس من رحمته بيك ... حالك بيتغير و بتحصل المعجزة من غير ماتحس باعجاز وكأنك بضعفك وجهلك أوتيته على علم عندك .....
اللهم تولنا فيمن توليت برحمتك يا رازق الرحمة يا وهاب يا الله .
0 comments:
إرسال تعليق